Rhannau o'r Ddaear

Mae'r Atmosffer yn haen o nwyon sy'n ymestyn 120 milltir uwchben crwst y Ddaear. Yr haen yma sy'n ein hamddiffyn rhag pelydrau niweidiol yr Haul ac yn cadw'r blaned yn ddigon cynnes i fywyd ffynnu.

Mae'r aer rwyt ti'n ei anadlu yn cynnwys 78% o Nitrogen, 21% o Ocsigen, 1% o Argon ac 1% o anwedd dŵr — heb anghofio'r cymylau, y tywydd a'r goleuni'r gogledd.

Mae'r Cyfandiroedd yn cyfrif am 1/3 o arwyneb y Ddaear. Maen nhw'n codi uwchlaw lefel y môr — yr uchder cyfartalog yw tua hanner milltir.

Yn ddiddorol iawn, mae'r cyfandiroedd i gyd yn fwy yn y gogledd nag yn y de. Mae hyn yn awgrymu i ni eu bod ers stalwm yn rhan o un cyfandir enfawr — Pangaea — cyn iddynt chwalu a llithro ar wahân dros filiynau o flynyddoedd.

Mae'r Moroedd yn cyfrif am 70% o holl arwyneb y Ddaear, ac maen nhw'n dal 97% o ddŵr y byd. Mae tair gwaith cymaint o halen ynddynt nag sydd yn ein gwaed!

Y Moroedd sy'n gyfrifol am newidiadau yn y tywydd ac yn rhoi siâp i'r arfordir wrth i'r tonnau erydu'r glannau. Maen nhw hyd yn oed yn arafu cylchdroad y Ddaear — drwy amsugno ychydig o rym y Lleuad.

Mae Pegynau Rhew yn bethau anarferol iawn yng Nghysawd yr Haul. Mawrth yw'r unig blaned arall sy'n eu rhannu â ni!

Y Pegynau Rhew yw'r unig olion o oes y rhew a oedd ar y Ddaear filiynau o flynyddoedd yn ôl. Maen nhw'n adlewyrchu hyd at 90% o olau'r Haul sy'n eu taro — sy'n esbonio pam mai dyma rannau oeraf y blaned.